En realidade, o que hoxe chamamos ciclo de Nadal, non é máis que unha aglomeración de festas que noutros tempos se celebraban ao longo do ano e, por uns ou outros motivos foron xuntándose as datas 24 de decembro-6 de xaneiro.
Das diferentes celebracións que compoñen o ciclo “nadais, rondas, aninovos, manueles, xaneiras, candelarias, reis profanos, reis liturxicos” tan só os nadais e os reis teñen pleno carácter relixioso (cristián).

Así, a petición dos aguinaldos, que hoxe aparecen xunguidos como corpo final das cantigas do Ciclo, foron noutro tempo cancións independentes, e a súa antigüedade e moi superior a calqueira outra actividade musical destas datas.
Na Galiza os aguinaldos como cancións independentes son un xénero practicamente perdido.

Os poucos casos que constatamos teñen unha formula cristianizante –alusión a algún santo, Xesús, A Virxe…- para salvarse da táboa rasa que facía a Igrexa para erradicar calqueira reminiscencia paganizante. No caso concreto desta canción trátase dunhas xaneiras ou aguinaldo puro, no que o único fin das cantigas é o de xuntar comida ou cartos para logo facer unha festa. En moitos lugares, a este xénero denomínaselle Os Manueles por ser o primeiro de ano o día da súa onomástica."