Aparcadoiro:

É mellor que aparquemos os coches e furgonetas na zona designada, que será a mesma área destinada ás autocaravanas. ver mapa
Se tedes unha furgo e queredes chegar o venres, o espazo estará tamén dispoñíbel. O evento comezará o venres ás 22:30. Importante: o acceso ao núcleo da aldea reserva-se só para residentes.

Mascotas:

Os vosos compis animais son benvidos, mais pedímosvos que os manteñades perto. A aldea está rodeada de natureza e outros animais, polo que se poderían perder... ou meter-se en líos facilmente...

Comida:

Podedes traer as vosas merendas, pero animamos-vos a probar as delicias preparadas polos nosxs cociñeirxs e cervexeirxs locais. Alén da pulpeira e churrasco, a organización encargará-se de ter tamén opción vexeta e vegana.

Programa:

A festa está deseñada para ofrecer unha experiencia inesquecíbel arredor do lugar. Preparamos un circuíto cheo de sorpresas que comeza o sábado pola mañá. Recomendámosvos chegar con tempo para non perderdes nada.

Doazóns:

O acceso à festa é gratuíto. Non obstante, atoparedes petos onde poderedes facer doazóns voluntarias, que serán utilizadas para cubrir algúns gastos dxs artistas colaboradorxs, seguro do evento, etc. É a nosa terceira edición, e os recursos son limitados, mais estamos certxs de que entre todxs poderemos xuntar pra convocar vindeiras edicións! Outro xeito de aportar e colaborar é mercando rifas para os sorteos, camisolas da organización e participando na fabulosa "Tómbola TokaSempre". Non vo-lo perdades!

Clima:

Prevese un clima moi caloroso. Asegurádevos de mantervos hidratados e considerade traer unha sombrilla... :)

¡Agardamos ver-vos alí para desfrutarmos xuntxs dun edición memorábel!